A Farcical

- "IITian nahi to kam se kam engineer to honi hi chahiye."

- "dekhne mein sundar to ho; figure to thoda accha ho. koi dekhe to tareef to kare ki kitni acchi dikhti hai ladki."

- "Business families mein koi padhai-likhai par dhayaan to deta nahi hai.. unke bacche bhi sab aise hi bewakoof hote hai."

- "dilli, bumbai ki ladkiya sab aisi hi hoti hai.. kal kisi aur ke saath, aaj tere saath, parso kisi aur ke saath hogi. hum rooz dekhte hai ladkiyon ko yaha par, kaise aage peeche ghoomti rehti hai ladko ko phasane ke liye; aur ladke bewakoof hote hai, kuch smajhte nahi hai."

- "B.Com bhi koi degree hoti hai kya?.. aur ghar baithe to koi gadha bhi MBA kar leta hai. in sab degrees ki koi value nahi hoti."

- "obesity ke karan old age mein kitni bimariya hoti hai tumhe pata nahi hai.. high cholesterol, heart problems, high blood pressure, etc... puri life bus bimariyon ka illaj hi karwate rehna, tab pata chalega."

- "obesity aur yeh sab health problems future generations ko bhi pass over ho sakti hai!"

- "ho sakta hai apne baare mein sab jhoot bol rahi ho... tujhe kya pata woh wahi hai jo bol rahi hai... accha khasa bewakoof IITian ladka mil gaya to koi ladki chodti hai kya?"

- "ho bhi sakta hai woh aur uske parents, sab mil kar yeh plot kar rahe ho... making you believe all that so that you develop sympathy for her.. unhe to accha bhadiya IITian ladka mil raha hai."

- "looks, money, degree yeh sab bhi matter karta hai. pyar-vyar kuch nahi hota. saath rehne lag jao to kuch time mein kutte se bhi pyar ho jaata hai."

- "hum bhi is age se gujar chuke hai. tujhse zyada humne duniya dekhi hai. thode time baad sab bhool jaate hai. yeh sab timepass hota hai. koi kisi ko yaad nahi rakhta."

- "we always trusted in you soo much. this is such a breach of our faith in you."

- "log kya kahenge!"


Current Mood & Music: Read here.